भिसेगाव- कर्जत ( सुभाष सोनावणे ) चोरी झाल्यावर चोराला पकडणे , ही खूप सोपी गोष्ट आहे , मात्र चोरी होण्याअगोदरच चोराची गोठडी गुंडाळणे , हि फार मोठी गोष्ट आहे , मात्र हि बाब आधुनिक आणि तंत्रज्ञानाच्या युगात दिसत नसल्याने कधी दिवसा तर कधी रात्री चोरांचा सुळसुळाट सर्वत्र पाहण्यास मिळतो . कर्जत शहरात याच बाबींमुळे कर्जतकर नागरिकांची सुरक्षा धोक्यात वाटत आहे .कर्जत शहरात चहुबाजुने चोरांचा सुळसुळाट सुरू असून यास प्रतिबंध करण्यास , पोलीस यंत्रणा कमी पडत आहे.
गेल्या १ महिन्यापासून थंडीचा मौसम बघून कर्जत शहरात चोरांचा सुळसुळाट सुरू आहे . भिसेगाव परिसरातील पाल टॉवर येथे भर दुपारी एका महिलेच्या घराचा कुलूप तोडून चोराने दागिने , पैसे चोरले , तर जुने एस टी स्टँड जवळील सुजित धनगर यांची बुलेट तर महावीर पेठ येथील देखील पारस यांची बुलेट चोरट्यानी चोरली होती , त्यातील सुजित धनगर यांची बुलेट साजगाव – खोपोली येथे सापडली.
काल देशाचा प्रजासत्ताक दिन साजरा होत असताना विठ्ठलनगर या उच्च वर्ग सोसायटी परिसरात पहाटे व रात्री चोर आलेले असताना सर्वांचीच झोप उडाली , या परिसरात सातत्याने हा प्रकार होत असल्याचे येथील नागरिकांचे म्हणणे आहे .यापूर्वी पाटकर मॅडम , माई महामुनकर यांच्या घरी देखील चोरी झालेली असल्याने या परिसरातील नागरिकांमध्ये घबराट पसरली असून , जनजीवन अस्थिर झाले आहे.
कुठे बाहेर गेल्यास आपल्या घरी चोरी होईल की काय , अशी भीती सर्वांना वाटत आहे.याबाबतीत तीन ते चार चोर सीसीटीव्ही कॅमेरात कैद झाले असून येथील सर्व नागरिकांनी काल रात्री पोलीस ठाण्यात जाऊन याबाबतीत निवेदन दिले आहे.
