मावळ (प्रतिनिधी) : रोटरी क्लब ऑफ तळेगाव दाभाडे सिटीच्या वतीने मावळ परिसरातील शाळा व महाविद्यालयात आठवी ते दहावीच्या विद्यार्थीनींना सॅनिटरी नॅपकीनचे वाटप करण्यात आले .तसेच त्यांना स्वच्छता व होणारे विविध संसर्ग याबाबतही माहिती देण्यात आली .
या कार्यक्रमांतर्गत कान्हे फाटा येथील श्री छत्रपती शिवाजी विद्यामंदिर व ज्युनिअर कॉलेज , कामशेत येथील महर्षी कर्वे स्त्री शिक्षण संस्थेचे अनुदानित प्राथमिक आश्रमशाळा , कार्ला येथील श्री एकविरा विद्या मंदिर व ज्युनिअर कॉलेज कार्ला या तीनही शाळांमध्ये सॅनिटरी नॅपकिनचे वाटप करण्यात आले . तसेच आठवी ते बारावीच्या विद्यार्थिनींना सॅनिटरी नॅपकिनच्या वापराचे महत्त्व पटवून देण्यात आले . भविष्यकाळात होणारे संसर्ग रोखण्यासाठी कशा पद्धतीने हे नॅपकिन वापरावे याविषयी माहिती देण्यात आली . प्रत्येक शाळेत पाचशे सॅनिटरी नॅपकिनचे वाटप याप्रसंगी करण्यात आले .
रोटरी क्लब ऑफ तळेगाव दाभाडे सिटीचे पॅडमॅन रोटरी राजू कडलग हे गेली सात वर्ष क्लबच्या माध्यमातून घेण्यात येणाऱ्या या प्रोजेक्टसाठी सॅनिटरी नॅपकिन स्वखर्चाने उपलब्ध करून देतात . त्याबद्दल रोटरी क्लब ऑफ तळेगाव दाभाडे सिटीचे अध्यक्ष रोटरी दीपक फल्ले यांनी त्यांचे विशेष आभार मानले .रोटरी क्लब तर्फे घेण्यात येणाऱ्या प्रोजेक्टला शुभेच्छा दिल्या , तर मुलींनी निसंकोचपणे आपल्या शंका विचाराव्यात याकरिता प्रोत्साहन दिले . रोटरी भगवान शिंदे यांनी रोटरी क्लब तर्फे घेण्यात येणाऱ्या विविध उपक्रमांविषयी माहिती दिली , तर रोटरी रेश्मा फडतरे यांनी सॅनिटरी नॅपकिनच्या वापरा संदर्भात विद्यार्थिनींना मार्गदर्शन केले.
यावेळी रोटरी क्लब ऑफ तळेगाव दाभाडे सिटीचे संस्थापक अध्यक्ष रोटरी विलास काळोखे , प्रेसिडेंट इलेक्ट रोटरी शाहीन शेख , प्रकल्प प्रमुख अँस्न शालिनी कडलग , रोटरी राजू कडलक , रोटरी संजय मेहता , रोटरी प्रशांत ताये , रोटरी तानाजी मराठे , रोटरी हर्षल पंडित आदि पदाधिकाऱ्यांसह सर्व शाळांमधील शिक्षक वर्ग व विद्यार्थिनी मोठ्या संख्येने उपस्थित होत्या.
