शिवसेना प्रमुख बाळासाहेब ठाकरे यांचे स्वप्न साकार करण्यास सेनापती ” नितीन दादा सावंत ” निवडणुकीच्या आखाड्यात…

२८ ऑक्टोबरला ” शक्तिप्रदर्शन ” करत भरणार उमेदवारी अर्ज !

भिसेगाव – कर्जत ( सुभाष सोनावणे ) ” शिवसेना उध्दव बाळासाहेब ठाकरे ” या पक्षाचे कर्जत खालापूर मतदार संघाचे उपजिल्हा प्रमुख नितीन दादा सावंत यांना निवडणुकीची उमेदवारी ” मातोश्री ” येथे जाहीर झाली व पक्षाचा AB फॉर्म देखील पक्ष प्रमुख उध्दव साहेब ठाकरे यांनी दिल्याने येथील शिवसैनिकांत ” उत्साह ” दिसत असून सोमवार दिनांक २८ ऑक्टोंबर २०२४ रोजी शिवसेना ठाकरे गटाचे उमेदवार नितीन दादा सावंत मोठे ” शक्ती प्रदर्शन ” करत आपला उमेदवारी अर्ज भरणार आहेत . ” शेलू ते प्रशासकीय भवन – कर्जत ” अशी भव्य रॅली काढून आपली ” ताकद ” दाखवणार असल्याची चर्चा येथे होत आहे.

गेली अडीच वर्षे नितीन दादा सावंत या मतदार संघात शिवसेना ठाकरे गटाचा ” सेनापती ” बनून या मतदार संघाची धुरा सांभाळत आहेत . अनेक सामाजिक – राजकीय – धार्मिक – शैक्षणिक – सांस्कृतिक उपक्रम राबवून त्यांनी महिला भगिनी , तरुण , व नागरिकांना ” मदतरुपी कर्तव्य ” पार पाडून ” धैर्य ” दिले आहे . अनेक संकटे झेलून त्यावर मात करत नितीन दादा सावंत यांनी ” कडवी झुंज ” देत शिवसैनिकांच्या साथीने शिवसेनेची ” वज्रमूठ ” एकजूट व मजबूत ठेवली आहे . आजची हि त्यांची उमेदवारी हि त्याचीच साक्ष देत असून त्यांना तिकीट मिळू नये असे अनेकांनी प्रयत्न करूनही अखेर ” मातोश्री ” ने त्यांना न्याय दिला आहे .

कर्जत खालापूर हा मतदार संघ शिवसेनेचा बालेकिल्ला आहे . मात्र अंतर्गत धुसफूस यामुळे हिरावून घेतलेला हा मतदार संघ पुन्हा शिवसेनेने खेचून घेतला होता . मात्र शिवसेना दुभंगल्याचा फटका या मतदार संघाला देखील बसला असल्याने फुटीर आमदार महेंद्र शेठ थोरवे यांना पराभूत करून आपण विजयी व्हायचंच , असा निश्चय येथील शिवसैनिकांनी केला असून , गेली अडीच वर्षे व्यूहरचना आखत गोपनीय पद्धतीने काम सुरू होते . आपलाच ” विजयी ” होणार , येथे ” भगवा ” फडकणार , अशीच व्यूहरचना आखली गेली असून प्रथम विजयी हा ” उमेदवारी व AB फॉर्म ” मिळवून झाला असून आता २० तारखेला मतदान व २३ तारखेच्या निकालाच्या दिवशी ” गुलाल ” आपल्याच अंगावर उधळणार , असाच जल्लोष उमेदवारी व AB फॉर्म मिळाल्यानंतर शिवसैनिकात मिरवणूक दृष्यावरून दिसत होता .

सोमवारी २८ ऑक्टोंबर रोजी उमेदवारी अर्ज भरताना सर्व शिवसेना – युवा सेना – महिला आघाडी , तसेच शिवसेना संलग्न आघाडी , संघटना , सर्व राजकीय पदाधिकारी , माझे मित्र परिवार , आप्तेष्ट व मतदार संघातील सर्व माता – बंधू – भगिनी यांनी उपस्थित राहून मला आशीर्वाद द्यावेत , असे आवाहन क्रांतीची ” मशाल ” चिन्ह घेवून निवडणूक लढणारे शिवसेना उध्दव बाळासाहेब ठाकरे पक्षाचे अधिकृत उमेदवार नितीन दादा सावंत यांनी केले आहे .