भिसेगाव – कर्जत ( सुभाष सोनावणे ) डी जे च्या तालावर , रिमझिम पावसात व हजारो कर्जत तालुक्यातील नागरिकांच्या उपस्थितीत ” आमदार महेंद्र शेठ थोरवे फाउंडेशन व शिवसेना कर्जत ” शहर आयोजित दहीहंडी उत्सवाची चर्चा थेट महाराष्ट्रभर झाली . लाखो रुपयांचे बक्षीस , लकी ड्रॉ , सलामी देणाऱ्या गोविन्दा पथकास १० हजारांचे बक्षीस , सेलिब्रिटी , व मान्यवरांची उपस्थितीत हा रंगलेला गोविन्दा उत्सव बघण्यासाठी चाहत्यांनी केलेली गर्दी तर सोशल मीडियावर ” १ लाख २६ हजार विव्ह ” मिळाल्याने ” दमदार आमदार महेंद्र शेठ थोरवे ” यांनी या गोविन्दा उत्सवाच्या निमित्ताने ” विक्रमच ” केला . हा गोविन्दा उत्सव मंगळवार दि. २७ ऑगस्ट २०२४ रोजी सायंकाळी ४ वाजता रॉयल गार्डन शेजारी मैदान कर्जत रायगड येथे आयोजित करण्यात आला होता.
या दहीहंडी उत्सवाला आमदार महेंद्र शेठ थोरवे हे उपस्थित राहून आलेल्या गोविंदाशी संवाद साधला . दहीहंडी उत्सव हा ” एकात्मतेचे प्रतीक ” आहे . हा उत्सव संपूर्ण देशभर साजरा केला जातो , महाराष्ट्र राज्यात शिवसेना प्रणित शिंदे सरकार अस्तित्वात आल्यानंतर व मा.श्री.एकनाथजी शिंदे साहेब मुख्यमंत्री झाल्यानंतर त्यांनी गोविंदा पथकांसाठी ” विमा ” घोषित केला व प्रत्येक गोविंदाची काळजी व सुरक्षा घेण्याचे वचन दिले , त्यामुळे हा दहीहंडी उत्सव मोठ्या प्रमाणात साजरा केला जात आहे . मी सर्व गोविंदां पदकांचे त्या निमित्ताने अभिनंदन करतो , आपण हा ” जल्लोषपूर्ण थरार ” या ठिकाणी अनुभवत आहात व दहीहंडीला सलामी देत आहात. तसेच कर्जतकरांनी या दहीहंडी महोत्सवाला जी साथ दिली त्याबद्दल समस्त कर्जतकरांचे देखील आमदार महेंद्र शेठ थोरवे यांनी अभिनंदन व आभार व्यक्त केले.
