लोणावळा दि. 29 : रोजी रेल्वे कि.मी.नं 131/06/08 जवळ पुण्याच्या दिशेला केवरे गावच्या रेल्वे गेट च्या पुढे एक 35 वर्षीय अनोळखी इसम जखमी अवस्थेत मिळून आला. मंगळवारी दुपारी 02:40 वा. लोणावळा रेल्वे पोलिसांना माहिती मिळाली की अज्ञात धावत्या रेल्वे गाडीमधून पडून एक जखमी झाला आहे.
सदर चा इसम उजव्या पायाने अपंग असून अंगाने सडपातळ, उंची 5फूट 4 इंच अशी आहे. रंगाने काळा सावळा असून अंगात आकाशी रंगाचा फुल शर्ट व काळ्या रंगाची पॅन्ट असा पेहनावा आहे. उजवा पाय गुडघ्या पासून अगोदरच तुटलेला आहे.
सदर इसमाच्या ओळखिचा कोणताही पुरावा त्याच्या जवळ सापडलेला नाही त्यामुळे सदर इसम कुठला आहे, त्याचे नाव व त्याच्या बद्दलची कोणतीही माहिती पोलिसांना मिळाली नाही. जखमी अवस्थेत सापडलेल्या अनोळखी इसमास उपचारासाठी पुणे येथील ससून रुग्णालयात दाखल केले असून पुढील तपास पोलीस नाईक जाधव करत आहेत.
