पोटल ग्रामपंचायत निवडणुकीत शिवसेना – राष्ट्रवादीची प्रचारात आघाडी !

महाविकास आघाडीचे थेट सरपंच आणि सदस्यांचे पारडे जड…

भिसेगाव- कर्जत ( सुभाष सोनावणे ) कर्जत तालुक्यातील पोटल ग्रामपंचायत निवडणुकीचा अंबिका माता मंदिर – आंबोट येथे महाविकास आघाडीच्या थेट सरपंच आणि सदस्यांचा नारळ वाढवून प्रचाराचा शुभारंभ करण्यात आला.

या कार्यक्रमात शिवसेना व राष्ट्रवादी काँग्रेस पक्षाच्या महाविकास आघाडीचे शिवसेना उपजिल्हाप्रमुख नितीनदादा सावंत, राष्ट्रवादी उपजिल्हाध्यक्ष अशोकशेठ भोपतराव, तालुका प्रमुख उत्तमदादा कोळंबे, संपर्क प्रमुख सुदामदादा पवाळी, संघटक बाबू घारे, युवासेना सचिव अ‍ॅड.संपत पांडुरंग हडप, दीपक श्रीखंडे, इस्माईल मालदार, प्रवीण देशमुख, दीपक कार्ले, सुनील श्रीखंडे, नामदेव पिंगळे, समीर साळोखे यांची प्रमुख उपस्थिती होती.

त्याच बरोबर ग्रुप ग्रामपंचायत पोटल निवडणुकीत थेट सरपंच म्हणून सामोऱ्या जाणाऱ्या उमेदवार मीरा सुनील मसणे ( निशाणी खटारा ) , सदस्य पदाचे उमेदवार कृष्णा जोशी ( निशाणी सिलेंडर ) , ज्ञानेश्वर तुपे ( निशाणी सिलेंडर ) , इस्माईल मालदार ( निशाणी बस ) , अश्विनी श्रीखंडे ( निशाणी इस्त्री ) , वर्षा मसणे ( निशाणी स्टूल ) , सुवर्णा मसणे ( निशाणी रिक्षा ) महाविकास आघाडीचे सर्व उमेदवार या निशाणीसह निवडणुकीला सामोरे जात असून उपस्थित जनसमुदाय व मिळत असलेल्या प्रतिसादामुळे त्यांचे पारडे जड असल्याचे चित्र येथे दिसत आहे.

या कार्यक्रमाला पोटल ग्रामपंचायत विभागातील नरेश पिंगळे, प्रकाश अगज, विनोद श्रीखंडे, चंद्रकांत हगवणे, प्रकाश श्रीखंडे, दत्ता मसणे, सुरेश मसणे, जयेश सोनावणे, प्रकाश मसणे अनेक जेष्ठ शिवसैनिक आणि महाविकास आघाडीचे पदाधिकारी – कार्यकर्ते आणि मोठ्या संख्येने ग्रामस्थ , महिला वर्ग उपस्थित होते .