लोणावळा : लोणावळा नगरपरिषद, मावळ वार्ता फौंडेशन, शिवदुर्गं मित्र यांच्या संयुक्त विद्यमाने निर्माते प्रवीण देशमुख प्रस्तुत “मराठ्यांची गौरव गाथा” हे महानाट्या 11 डिसेंबर ऐवजी 15 डिसेंबर रोजी प्रदर्शित होणार असल्याने निर्माते प्रवीण देशमुख यांनी दिलगिरी व्यक्त केली आहे.
लोणावळा शहरात 11 डिसेंबर रोजी हे ऐतिहासिक महानाट्य प्रदर्षित करण्यात येणार होते परंतु अवकाळी पाऊसाचा अंदाज असल्यामुळे “मराठ्यांची गौरव गाथा” हे महानाट्य येत्या 15 डिसेंबर रोजी प्रदर्शित होणार असून प्रेक्षकांना व शिवप्रेमींना झालेल्या त्रासामुळे दिलगिरी व्यक्त करण्यात येत असल्याचे प्रवीण देशमुख यांनी सांगितले.
शिवदुर्गं प्रस्तुत, प्रवीण देशमुख निर्मित “मराठ्यांची गौरव गाथा “हे ऐतिहासिक महा नाट्य छत्रपती शिवाजी महाराज व छत्रपती संभाजी महाराज यांच्या जिवनपटावर आधारित प्रसिद्ध व लोकप्रिय महा नाट्य असून हे मोफत पाहण्याची संधी पुणे जिल्ह्यातील नागरिकांसाठी येत आहे 15 डिसेंबर रोजी सायंकाळी 6 वाजता लोणावळा शहरात,तरी जास्तीत जास्त नागरिकांनी या संधीचा लाभ घेऊन या महा नाट्याचा आनंद लुटावा असे आयोजकांकडून आवाहन करण्यात येत आहे.
पुणे जिल्ह्यातील 2 शे 50 कलाकारांचे व्यासपीठ, 10 फूट असा रंगमंच, घोडे, उंट, बैलगाड्या असलेले हे भव्य दिव्य महा नाट्य मोफत पाहायला मिळणार असल्याने आत्तापासूनच प्रेक्षकांची उत्सुकता वाढत असल्याचे चित्र मावळात दिसून येत आहे.
लोणावळा नगरपरिषद व मावळ वार्ता फौंडेशन आणि शिवदुर्गं मित्र यांच्या संयुक्त विद्यमाने मराठ्यांची गौरव गाथा या महा नाट्याचे आयोजन पुरंदरे विद्यालय मैदान लोणावळा येथे 15 डिसेंबर रोजी सायंकाळी 6 वाजता करण्यात आले असून प्रेक्षकांसाठी विनाप्रवेश फी याचे आयोजन करण्यात आले आहे.
तरी या संधीचा जास्तीत जास्त नागरिकांनी लाभ घ्यावा व आपल्या जिल्ह्यातील कलाकारांना प्रोत्साहन द्यावे असे आवाहन लोणावळा नगरपरिषदेच्या नगराध्यक्षा सुरेखा जाधव, जेष्ठ नगरसेवक श्रीधर पुजारी, मावळ वार्ता फौंडेशनचे अध्यक्ष सचिन पारेख, व निर्माता प्रवीण देशमुख यांनी केले आहे.
