मावळच्या कन्येची साता समुद्रापार यशाला गवसणी..

लोणावळा प्रतिनिधी : मावळातील वेहेरगाव या छोट्याशा गावामध्ये राहणाऱ्या आर्या जितेंद्र बोत्रे हिने युके इंग्लंड मध्ये मँचेस्टर या नामांकित युनिव्हर्सिटी मधून मास्टर्स ॲाफ सायन्स बायोटेक्नॉलॉजी ॲन्ड इंटरपायजेस या डिग्रीचे शिक्षण मेरिट लिस्ट मध्ये येऊन पूर्ण केले.आज तिचा पदवीधर समारंभ इंग्लंड येथील मँचेस्टर युनिव्हर्सिटी मध्ये अत्यंत थाटामाटा मध्ये संपन्न झाला.

आर्या हिने शालेय शिक्षण लोणावळा येथील रायवूड इंटरनॅशनल या शाळेमधून पूर्ण केले.शाळेमध्ये सांस्कृतिक कार्यक्रम व इतर कार्यक्रमांमध्ये ती सहभागी होत असत, शाळेच्या जडणघडणीमध्ये ती अग्रभागी असत,शाळेमध्ये ती विद्यार्थ्यांमधून मतदान प्रक्रियेच्या माध्यमातून शालेय कॅप्टन म्हणून तिची निवड करण्यात आली होती. विद्यार्थ्यांकरिता तिने खूप चांगलं कार्य केले ,शालेय गॅदरिंग मध्ये शिवाजी महाराजांच्या जीवनावरती एक नाट्य प्रयोग करण्यात आला होता,त्यावेळी तिने जिजाऊची भूमिका खूप सुंदर पद्धतीने साकार केल्याने लोणावळ्याकरांनी तीचे भरभरून कौतुक केले.

त्यानंतर पुढील शिक्षण तिने पुणे येथील वाडिया कॉलेजमध्ये अत्यंत चांगल्या गुणांनी पूर्ण केल्यानंतर युके येथील अनेक युनिव्हर्सिटी मध्ये तिने प्रवेशासाठी ॲप्लिकेशन केले होते. अभिमानाची गोष्ट म्हणजे तिने सात कॉलेजची निवड केली होती.सातही कॉलेजमध्ये तिला प्रवेश मिळाला होता. त्यातच नामांकित मँचेस्टर युनिव्हर्सिटी मध्ये प्रवेश घेण्याचा तिने निर्णय केला.अभ्यासामध्ये तिने स्वतःला झोकुन घेऊन खूप मेहनत करून तिने ही डिग्री मेरीट लिस्ट मधुन संपादन केले तिच्या ह्या साता समुद्रपार घेतलेल्या उत्तुंग भरारीमुळे संपूर्ण मावळ तालुक्यातून शुभेच्छाचा वर्षाव होत असून तीचे आई-वडील, नातेवाईक,संपूर्ण मावळ तालुक्यातील लोकांमध्ये अभिमान व आनंद निर्माण झाला आहे.तसेच तीने डिग्री मिळवून मेरिट लिस्ट मध्ये आल्याने इंग्लंड मध्ये अनेक नोकरीच्या संधी तिच्यासाठी आल्या आहेत.