” अध्यक्ष शरद भाऊ लाड व उपाध्यक्ष बळवंत घुमरे ” यांच्या हस्ते उद्घाटन……
भिसेगाव – कर्जत ( सुभाष सोनावणे )रिक्षा चालक मालक यांची एकजूट रहावी व सर्वांनाच व्यवसाय मिळण्याचा फायदा व्हावा , या उदात्त हेतूने कर्जत दहिवली येथील ” इंजिनियर कॉलेज या अभियांत्रिकी महाविद्यालय ” येथे प्रवासी सेवा करणाऱ्या रिक्षा चालक मालक बांधवांनी आज ” श्री कोठारी माता रिक्षा चालक – मालक संघटनेची ” स्थापना करण्यात आली . याप्रसंगी संघटनेच्या फलकाचे अनावरण व उद्घाटन कर्जत नगर परिषदेचे मा. नगराध्यक्ष तथा या संघटनेचे अध्यक्ष शरद भाऊ लाड व कर्जत मधील प्रसिद्ध व्यापारी व प्रगतशील शेतकरी तथा दानशूर व्यक्तिमत्त्व बळवंत घुमरे यांच्या शुभहस्ते करण्यात आले .
यापसंगी श्री कोठारी माता रिक्षा चालक-मालक संघटनेचे अध्यक्ष शरद भाऊ लाड यांनी सर्व रिक्षा चालक व मालक यांनी गुण्या गोविंदाने येथे प्रवासी सेवा करावी . येथील अभियांत्रिकी विद्यार्थ्यांना स्वच्छ सेवा देवून सर्वांना सहकार्य करावे , असे मत व्यक्त करत येथे फलक लावण्यास जागा देणारे दानविर व्यक्तिमत्त्व तथा मा. नगरसेवक बळवंत तथा बैजू घुमरे यांचे मनापासून आभार व्यक्त करत सर्व रिक्षा चालक – मालक बांधवांना दिपावलीच्या शुभेच्छा व्यक्त केल्या . तर संघटनेचे उपाध्यक्ष बळवंत घुमरे यांनी प्रवासी सेवा सर्व नागरिक विद्यार्थ्यांना देवून आपले कर्तव्य पार पाडत असताना सर्वांना सहकार्य करा , असे आवाहन करून सर्व रिक्षा चालक मालक बांधवांना आज या संघटनेच्या माध्यमातून एकजूट दाखवल्या बद्दल व दिपावलीच्या शुभेच्छा दिल्या . यावेळी उपस्थित सर्व मान्यवरांचे शाल – श्रीफळ व पुष्पगुच्छ देऊन स्वागत करण्यात आले.
