” एकच निर्धार , पुन्हा एकदा महेंद्र शेठ थोरवे आमदार “

महायुतीचा महामेळावा ” शिवतीर्थ ” येथे मोठ्या उत्साहात संपन्न !

भिसेगाव – कर्जत ( सुभाष सोनावणे )कर्जत खालापूर मतदार संघाचे कार्यसम्राट ” आमदार महेंद्र शेठ थोरवे ” यांच्या प्रचारार्थ शिवसेना – भारतीय जनता पार्टी – राष्ट्रवादी काँग्रेस पक्ष – आर पी आय – व घटक पक्ष यांच्या वतीने महायुतीचां महामेळावा सोमवार दिनांक ०४ नोव्हेंबर २०२४ रोजी संध्याकाळी ६ वाजता शिवतीर्थ – पोसरी येथे मोठ्या उत्साहात पार पडला. यावेळी व्यासपीठावर आमदार महेंद्र शेठ थोरवे यांच्या समवेत , संपर्क प्रमुख विजय पाटील , जिल्हा प्रमुख संतोष शेठ भोईर , उप जिल्हा प्रमुख भाई गायकर , जिल्हा सह संपर्क प्रमुख संभाजी जगताप , कर्जत ता. प्रमुख सुदाम दादा पवाळी, खालापूर ता. प्रमुख संदेश पाटील , विधानसभा संघटक पंकज पाटील , संघटक शिवराम बदे , मनोहर दादा थोरवे , बाळाजी विचारे , दिलीप ताम्हाणे , गज्जू भाई वाघेश्र्वर , अरुण देशमुख , सुनील ठाकूर , सनी चव्हाण , मा. नगरसेवक ऍड. संकेत भासे , शहर प्रमुख अभिषेक सुर्वे , गणेश पालकर , आर पी आय कोकण प्रदेश कार्याध्यक्ष राहुल डाळींबकर , जिल्हाध्यक्ष नरेंद्र गायकवाड , भाजप जिल्हाध्यक्ष अविनाश कोळी , अश्विनी पाटील , जिल्हा उपाध्यक्ष वसंत शेठ भोईर , जिल्हा सचिव रमेश मुंडे , दिपक बेहेरे , आर पी आय ता. अध्यक्ष हिरामण भाई गायकवाड , अविनाश कांबळे , महेंद्र धंनगावकर , त्याचप्रमाणे महायुतीतील मित्र पक्षाचे पदाधिकारी , महिला वर्ग उपस्थित होते.

यावेळी या महामेळाव्यात राष्ट्रवादी काँग्रेस पक्ष शरदचंद्र पवार गट जिल्हाध्यक्ष तथा मा. राजिप चे अध्यक्ष सुरेश दादा टोकरे , शिवसेना ठाकरे गटाचे मा. राजीपचे उपाध्यक्ष भाई शिंदे , खोपोलीचे मा. थेट नगराध्यक्ष डॉ. सुनील भाऊ पाटील , खोपोली शहर प्रमुख राजन सुर्वे , नगरसेविका प्रमिला सुर्वे , मनसे महिला खालापूर ता. अध्यक्ष पूजा खराडे , मा. सरपंच नेरळ सुवर्णा नाईक , नेताजी टोकरे , त्याचप्रमाणे भाई शिंदे यांचे पाच भाऊ व या तिन्ही दिग्गज नेत्यांचे शेकडो कार्यकर्ते व महिला वर्गाने आमदार महेंद्र शेठ थोरवे यांच्या नेतृत्वाखाली पक्ष प्रवेश केला . तर यावेळी सुप्रिया साळुंखे यांना जिल्हा संघटिका पद नियुक्तीपत्र देण्यात आले.

या मेळाव्यात उपस्थितांना मार्गदर्शन करताना आमदार महेंद्र शेठ थोरवे यांनी प्रवेश करणाऱ्या सर्वांचे स्वागत केले , यावेळी डॉ. सुनील पाटील यांना ” उबाठा ” कार्यकर्त्यांनी शेळके हॉल येथे स्टेज वरून खाली उतरवण्याचा प्रयत्न केला , आज त्यांना आम्ही ” सन्मानाने ” बसवले आहे , मुख्यमंत्री यांनी राज्यात शिवसेना रुजवली , वाढवली , २०१९ साली जशी शिवसेना लढली , झटली व मला निवडून देवून ” भगवा ” फडकवला , तसेच पुन्हा एकदा शिवसैनिकांची ” वज्रमूठ ” तयार झाली आहे , आपण सर्व महायुतीतील मित्र पक्षांनी एकत्रित येवून काम करून विजयी होणार , असा आत्मविश्वास त्यांनी व्यक्त केला . राज्यात महायुतीचे तिन्ही नेते काम करत आहेत , मुख्यमंत्री एकनाथजी शिंदे साहेब यांनी लाडकी बहीण योजना राबवून ” ऐतिहासिक ” निर्णय घेतला असल्याचे त्यांनी स्पष्ट केले.

कर्जतमध्ये ज्या पद्धतीने राजकारण सुरू आहे , याबद्दल त्यांनी खंत व्यक्त केली , म्हणून गाफील राहू नका , सर्व ताकदीने लढा देवून मते द्या , मा. आमदार सुरेश भाऊ लाड भाजपात आल्याने पक्षाची ताकद वाढली आहे , याचा फायदा महायुतीला होणार आहे , पुन्हा एकदा २३ तारखेला ” दिवाळी ” साजरी होणार , असे भाकीत आमदार महेंद्र शेठ थोरवे यांनी व्यक्त केले . ” शिवतीर्थ ” ही वास्तू ” पवित्र ” आहे , येथून आम्हीं ” एल्गार ” करत आहोत , पुन्हा एकदा ” भगवा ” फडकवा , येथील विरोधकांची कीव येते , अपक्ष उमेदवार सुधाकर भाऊ घारे यांच्या टिकेला उत्तर देताना ते म्हणाले की , रिक्षावाले होते तेच मुख्यमंत्री झाले , मी जरी रिक्षा चालवीत होतो , तरी मी प्रामाणिक होतो , आज मी आमदार म्हणून उभा आहे , मी चोऱ्या माऱ्या केल्या नाहीत , मला ” रिक्षावाला ” म्हणून हिणवले , पण तीच ” रिक्षा ” निशाणी घेवून तुम्ही मदारांना सामोरे जाणार आहे , मात्र तेच ” रिक्षावाले ” बांधव तुम्हाला ” चारी मुंड्या चीत ” केल्या शिवाय रहाणार नाहीत , असा खडा इशारा त्यांनी या मेळाव्यात दिला.

शिवसेनेत रोज पक्ष प्रवेश होत आहेत , पक्षाची ताकद वाढत आहे , आता तिसरी निवडणूक मी लढत आहे , माझ्या विकास कामांची पावती मला पुन्हा येथील मतदार देणार आहेत , पुन्हा या मतदार संघाचा ” आमदार ” म्हणून मला निवडून देणार , याची मला ग्वाही आहे , या मतदार संघात महायुतीत राहून ” गद्दारी ” करणाऱ्या उमेदवार व नेत्याची हकीकत मला पत्रकार परिषद घेऊन महाराष्ट्राला सांगायचं आहे , म्हणून गाफील राहू नका , बुथवर आपली लढाई झाली पाहिजे , ही लढाई सर्वांची आहे , आमदार महेंद्र शेठ थोरवे यांनी माघार घेतलेले भाजपचे प्रमुख किरण भाऊ ठाकरे यांनी एकत्र येवून काम करावे , असे भावनिक हाक दिली . महायुतीचा प्रत्येक कार्यकर्ता झटला पाहिजे , येणाऱ्या २३ नोव्हेंबर ला ” गुलाल ” आपल्याच अंगावर पडून आपण सर्वांनी ” विजयोत्सव ” साजरा करण्याचा संकल्प कार्यसम्राट आमदार महेंद्र शेठ थोरवे यांनी याप्रसंगी केला . यावेळी दोन्ही तालुक्यातील शिवसेना – युवा सेना – महिला आघाडीच्या पदाधिकारी – शिवसैनिक मोठ्या संख्येने उपस्थित होते .