नगरसेवक उमेश आप्पा गायकवाड यांच्या वतीने कोरोना लसीकरण शिबिर संपन्न..
भिसेगाव-कर्जत(सुभाष सोनावणे)
कर्जत नगर परिषद हद्दीत प्रभाग क्रमांक ९ गुंडगे येथे रहात असलेल्या कामगार , आदिवासी बांधव , त्याचप्रमाणे इतर नागरिकांना कोरोना संसर्ग महामारीपासून सुरक्षितता मिळावी यासाठी कवचकुंडले रुपी लस देऊन आपल्या प्रभागात शंभर टक्के लसीकरण होणे , हे एकच मिशन पूर्ण करण्याच्या उद्देशाने गुंडगे प्रभागाचे नगरसेवक उमेशआप्पा श्रीरंग गायकवाड यांच्या वतीने आज गुंडगे येथे गुड शेफर्ड जुन्या शाळेत कोविड – १९ लसीकरण शिबिराचे आयोजन करण्यात आले होते.
यावेळी नागरिकांनी उत्स्फूर्त प्रतिसाद दिला.कर्जत नगरपरिषद व उपजिल्हा रुग्णालय यांच्या संयुक्त विद्यमाने कोविड – १९ लसीकरण मोहीम राबवून गुंडगे प्रभाग कोरोना मुक्त करण्याच्या उद्देशाने आज रविवार दिनांक १९ सप्टेंबर २०२१ रोजी, सकाळी ९ वा . गुंडगे प्रभाग क्र. ९ मधील नागरिकांसाठी लसीकरण नगरसेवक उमेश आप्पा गायकवाड यांच्या वतीने करण्यात आले.
यावेळी कोव्याक्सीन दुसरा डोस तसेच कोव्हीशिल्डचा पहिला व दुसरा डोस उपलब्ध होता . जुने गुड शेफर्ड स्कूल , गजानन अपार्टमेंट समोर , गुंडगे येथे एकूण ३२६ नागरिक , महिला यांनी लस घेतली. यावेळी उपजिल्हा रुग्णालयाच्या वतीने डॉ .संगीता दळवी व त्यांची टिम , सुमंतु हॉस्पिटलचे डॉ.सुनील ढवळे , डॉ.ईश्वरी ढवळे , नेरळ येथील डॉ .सागर काटे यांनी सहकार्य केले . या लसीकरण शिबिरास कर्जत नगर परिषदेच्या नगराध्यक्षा सौ.सुवर्णा केतन जोशी , माजी नगराध्यक्ष तथा राष्ट्रवादी काँग्रेस कर्जत शहर कार्याध्यक्ष राजेशदादा लाड यांनी भेट दिली .या शिबिरास नगरसेवक उमेश आप्पा गायकवाड मित्र मंडळाच्या कार्यकर्त्यांनी विशेष मेहनत घेतली.
