टाटा धरणात आढळला बेपत्ता मुलाचा मृतदेह,,लोणावळा शहरात खळबळ….

लोणावळा : कैलास नगर येथील 17 वर्षीय बेपत्ता मुलाचा मृतदेह टाटा धरणात आढळून आल्याने खळबळ उडाली आहे. कु. आशिष विजय सोमवंशी असे त्या मुलाचे नाव आहे.हा सतरा वर्षीय मुलगा बेपत्ता असल्याची तक्रार त्याच्या कुटुंबीयांनी केली होती. त्यानंतर त्याचा शोध सुरू असताना शुक्रवारी लोणावळा शहरातील टाटा धरण येथे एक मुलाचा मृतदेह आढळून आला. तो मृतदेह बेपत्ता आशिष सोमवंशी याचाच असल्याची खात्री पटली आहे.

घटनेची माहिती मिळाल्यानंतर शिवदुर्ग रेस्क्यू टीम घटनास्थळी दाखल झाली आणि त्यांनी मृतदेह पाण्याबाहेर काढला. तसेच लोणावळा शहर पोलीस घटनास्थळी दाखल झाले. त्यांनी पुढील तपासणी केली. त्यानंतर सदरचा मृतदेह बेपत्ता कु. आशिष विजय सोमवंशी (वय 17 वर्षे) याचाच असल्याचे पुढे आले. पुढील तपास लोणावळा शहर पोलीस करत आहेत.