” महायुतीत कुठलीही बोलणी झाली तरी मी निवडणूक लढणारच व निवडूनही येणारच “

भाजप विधानसभा अध्यक्ष किरण भाऊ ठाकरे निवडणूक रिंगणात !

भिसेगाव – कर्जत ( सुभाष सोनावणे ) कर्जत खालापूर मतदार संघात भारतीय जनता पक्षाची ताकद आता वाढली आहे . गेली चाळीस वर्षे मित्र पक्षाला मदत करून ” सत्तेचा वाटा ” न घेता ” इमाने इतबारे ” काम करणारी भाजपा आता विधानसभेच्या निवडणुकीच्या रिंगणात उतरून ” ईव्हीएम ” मशीनमध्ये भाजपची निशाणी ” कमळ ” आणणार ? अशीच काहीशी चर्चा असताना तरुण तडफदार उमेदवार म्हणून विधानसभेचे अध्यक्ष किरण भाऊ ठाकरे हे ” दंड ” थोपटून निवडणुकीच्या रिंगणात उतरणार ” निवडणूक लढणार व निवडूनही येणार ” , अशी ” भीष्म गर्जना ” त्यांनी केली आहे . त्यांच्या या निर्णयाने मित्र पक्षात नक्कीच ” काहूर ” माजणार , असल्याचे चित्र दिसणार आहे.

या मतदार संघात महायुतीत आलबेल असून सर्वच मित्र पक्षातील येथील नेते निवडणूक लढविण्यास इच्छुक आहेत . यामुळे मतांची विभागणी होवून भाजपच्या आता वाढलेल्या मतांवर त्यांचा विजयी निश्चित मानला जात आहे . भारतीय जनता पक्षाचे कर्जत खालापूर मतदार संघाचे अध्यक्ष किरण ठाकरे हा ” मराठी चेहरा ” गेली अनेक वर्षांपासून जनतेच्या सुख दुःखात असून ” हेल्प लाईन ” च्या माध्यमातून त्यांनी नागरिकांच्या अनेक समस्या सोडविण्यासाठी प्रयत्नशील राहिले आहेत . ” फक्त फोन करा , किरण ठाकरे हजर होणार ” , या त्यांच्या स्तुत्य उपक्रमामुळे ” जनता जनार्धन ” देखील त्यांच्या या कार्यावर खुश होवून अनेक तरुणाई भाजप पक्षात पक्ष प्रवेश करत आहेत.

हिंदू धर्मीय अनेक सण , उत्सव , कार्यक्रमात त्यांचा हातखंडा असून सर्वांच्या पुढे राहून आंदोलने , मोर्चात सहभागी होत आहेत . सार्वजनिक बांधकाम मंत्री नाम . रविंद्र चव्हाण हे त्यांचे ” गॉडफादर ” असल्याने त्यांच्या नेतृत्वाखाली त्यांनी करोडो रुपयांचा निधी या मतदार संघात आणून गावागावांत विकास केला आहे .श्री गणेशोत्सव कार्यक्रमात त्यांनी अनेक स्पर्धा ठेवून बक्षिसे वाटून सर्वांचीच मने जिंकली आहेत . रस्ते , आरोग्य , आरोग्य शिबीर , रक्तदान शिबिर , अँब्युलन्स सेवा , शैक्षणिक मदत , होतकरू तरुण – सामाजिक क्षेत्रात काम करणारे नागरिक – सर्प मित्र – महिला भगिनी यांचा सन्मान , हेल्प लाईन सेवा , शेतकरी बांधवांना मदत , भाजपाचे रस्ते आंदोलन , मोर्चे , निषेध मोर्चे , विविध कार्यक्रमात त्यांची उपस्थिती अग्रगण्य असल्याने येणाऱ्या काळात त्यांचा चेहरा भारतीय जनता पक्षाच्या माध्यमातून सर्वदूर पसरल्याने उमेदवारी लढवल्यास भाजपची मते त्यांना नक्कीच मिळतील , यावर शंकाच नसणार आहे.

कर्जत खालापूर मतदार संघात भाजपा आपली ” ताकद ” अजमावणार व ” उरण पॅटर्न ” राबवून निवडून येणार , असेच काहीसे हे संकेत असून ” अभी नहीं तो कभी नहीं ” असा सूर भाजप विधानसभा अध्यक्ष किरण भाऊ ठाकरे यांच्या शब्दात असल्याने वरिष्ठ पातळीवर महायुतीत कुठलीही बोलणी झाली तरी ” मी निवडणूक लढणारच व निवडूनही येणारच ” , अशी भीष्म गर्जना भाजप अध्यक्ष किरण भाऊ ठाकरे यांनी केली आहे . यानिमित्ताने भाजप कित्येक वर्षानंतर या विधानसभेमध्ये निवडणूक लढणार व ईव्हीएम मशीनमध्ये भाजप चे कमळ फुलणार का ? याकडे सर्वांचेच लक्ष लागून भाजप कार्यकर्त्यांमध्ये उत्साह व चर्चेला उधाण आले आहे.