महा आघाडीचे उमेदवार ” संजोग वाघेरे पाटील ” बहुमताने निवडून आणणार – उपजिल्हाप्रमुख नितीन दादा सावंत..

शिवसेना उद्धव बाळासाहेब ठाकरे पक्षाच्या विभागीय आढावा बैठकीस ” शिवालय ” येथून सुरुवात..

भिसेगाव – कर्जत ( सुभाष सोनावणे ) मावळ मतदार संघ हा शिवसेना उध्दव बाळासाहेब ठाकरे या पक्षाचा बालेकिल्ला असून त्याला इतर पक्षाची साथ असल्याने महा आघाडीचे मावळ लोकसभा मतदार संघाचे उमेदवार संजोग वाघेरे पाटील यांना सर्व ताकद लावून बहुमताने निवडून आणणार , अशी गर्जना आज शिवालय कर्जत येथे झालेल्या शिवसेना उध्दव बाळासाहेब ठाकरे या पक्षाच्या आढावा बैठकीस उपजिल्हा प्रमुख नितीन दादा सावंत यांनी करून शिवसैनिकांच्यात आत्मविश्वास वाढवला.

मावळ लोकसभा निवडणुकीच्या तयारीसाठी शिवसेना उद्धव बाळासाहेब ठाकरे पक्ष सज्ज झाला असून शिवसेना कमिटीच्या वतीने ३१ मार्च रोजी कर्जत शिवसेना मध्यवर्ती कार्यालय ” शिवालय ” येथून या बैठकांना सुरुवात झाली आहे . शिवसेना उद्धव बाळासाहेब ठाकरे पक्षाचे उमेदवार श्री संजोग वाघेरे पाटील ह्यांच्या प्रचारासाठी आज बैठक आयोजित केली होती. ह्या बैठकीमध्ये कर्जत तालुक्यातील शिवसेनेचे मोठ्या संख्येने पदाधिकारी उपस्थित होते.

यावेळी उपजिल्हाप्रमुख नितीन दादा नंदकुमार सावंत , महिला जिल्हा संघटिका सौ. सुवर्णा जोशी , तालुका प्रमुख उत्तम दादा कोळंबे , तालुका संघटक बाबुशेठ घारे , माजी उपतालुकाप्रमुख शशिकांत मोहिते , उपतालुकाप्रमुख प्रमोद सुर्वे , आवेश दादा , तसेच जेष्ठ शिवसैनिकांनी याप्रसंगी मार्गदर्शन केले . आगामी निवडणुकीमध्ये आपलें महाविकास आघाडीचे उमेदवार संजोग वाघेरे पाटील कर्जत तालुक्यातून बहुमताने पुढे राहतील , असा विश्वास याप्रसंगी देण्यात येवून गाव – वाडे – पाड्यात – शहरात जाऊन जोरदार प्रचार करण्याचे आदेश यावेळी देण्यात आले.