वसूबारसच्या पूर्व संध्येला दिव्यांनी उजळून निघाली व्ही. पी. एस. विद्यालयाची इमारत…

लोणावळा (प्रतिनिधी) : विद्या प्रसारिणी सभेचे लोणावळ्यातील व्ही.पी.एस. हायस्कूल व द.पू.मेहता ज्यूनिअर कॉलेजची इमारत वसूबारसच्या पूर्व संध्येला हजारो दिव्यांनी उजळून निघाली .

सालाबादप्रमाणे याही वर्षी शाळेतील विद्यार्थ्यांनी इमारतीला हजारो दिवे लावत दीपोत्सवासोबतच स्वातंत्र्य भारताचे अमृत महोत्सवी वर्ष आणि विद्या प्रसारिणी सभेचे शतक महोत्सवी वर्ष दिमाखदार पद्धतीने साजरे केले .

विद्या प्रसारिणी सभेला शंभर वर्षे पूर्ण होत असल्याचे औचित्य साधत व्ही.पी.एस स्काऊट गाईड विद्यार्थी , शिक्षक,कर्मचारी व पालक वर्ग या आनंदामध्ये मोठ्या संख्येने सहभागी झाले.

या कार्यक्रमासाठी प्राचार्य रामदास दरेकर , उपप्राचार्य आदिनाथ दहिफळे , उपमुख्याध्यापक उदय महेंद्रकर , शाळा समिती सदस्य भगवान आंबेकर , मुख्यलिपीक कुंडलिक आंबेकर उपस्थित होते . याप्रसंगी विद्यार्थी व पालकांशी हितगूज साधताना प्राचार्य दरेकर म्हणाले की , विद्यार्थ्यांनी या दिव्याप्रमाणे नेहमी उजळत राहावे आणि शाळेचे , आपल्या आई – वडिलांचे , समाजाचे आणि देशाचे नाव रोशन करावे . कार्यक्रमासाठी स्काऊट शिक्षक संजय पालवे , गंगाधर गिरमकर , संकेत कवडे , चंद्रकांत जोशी आदींसह प्रशालेचे शिक्षक आणि सर्व कर्मचारी मोठा सहभाग होता.