खरेदीसाठी आलेल्या महिलेच्या पिशवीला ब्लेड मारून दिड लाखाचा ऐवज लंपास…

लोणावळा (प्रतिनिधी) : एका चप्पलच्या दुकानामध्ये खरेदीसाठी आलेल्या महिलेच्या पिशवीला ब्लेड मारत 1 लाख 50 हजार रुपयांचा ऐवज लंपास केल्याची घटना गुरुवार दि . 15 रोजी दुपारी 2 च्या सुमारास घडली.

याप्रकरणी सबाबाई गबळू कालेकर ( रा . प्रेमनगर , कुसगाव) यांनी लोणावळा शहर पोलीस ठाण्यात फिर्याद दिली आहे.

मिळालेल्या माहिती नुसार कालेकर ह्या काल दुपारी चेतना फुटवेअर या दुकानात खरेदीसाठी आल्या होत्या . त्यावेळी अज्ञात महिलेने त्यांच्या पिशवीला ब्लेड मारत हातातील पिशवीमधील 90 हजार रुपये किंमतीची सोन्याची पोत व 60 हजार रुपये रोख असा तब्बल 1लाख 50 हजाराचा ऐवज लंपास केला आहे . सदर महिलांचा चेहरा दुकानातील सिसीटिव्ही फुटेज मध्ये आला असून याप्रकरणी लोणावळा शहर पोलीस ठाण्यात गुन्हा दाखल करून घटनेचा पुढील तपास पोलीस हवालदार महादेव म्हेत्रे करत आहेत.