पुणे ग्रामीणच्या पोलीस अधीक्षक पदी अंकित गोयल यांची वर्णी…

पुणे : पुणे ग्रामीण पोलीस अधीक्षक डॉ .अभिनव देशमुख यांची बदली करण्यात आली आहे . त्यांच्या बदलीचे स्वतंत्र आदेश दिले जाणार आहेत . महाराष्ट्र राज्य सरकारने आज गुरुवार दि . 20 रोजी देशमुख यांची बदली केली असून त्यांच्या जागी आता अंकित गोयल यांची वर्णी लागली आहे . त्यामुळे आता पुणे ग्रामीण पोलीस दलाचे अंकित गोयल हे पोलीस अधीक्षक असतील.

पुणे ग्रामीणच्या पोलीस अधीक्षकपदी नव्याने नियुक्ती झालेले अंकित गोयल हे गडचिरोलीचे पोलीस अधीक्षक होते.गडचिरोलीत कार्यरत असताना त्यांनी राबविलेले विविध उपक्रम आणि समाज उपयोगी कार्यक्रमामुळे ते चर्चेत आले होते . त्यानंतर आता त्यांची नियुक्ती पुणे ग्रामीणच्या पोलीस अधीक्षक पदी करण्यात आली आहे .

आगामी काही महिन्यात पुणे महानगरपालिकेच्या आणि जिल्हा परिषदेच्या निवडणुका होणार आहेत . त्या पार्श्वभूमीवर पुणे जिल्ह्याच्या ग्रामीण भागात कायदा आणि सुव्यवस्था टिकून ठेवण्यासाठी अंकित गोयल यांच्यासमोर मोठे आव्हान असणार आहे.