ऐन सणाच्या दिवशी भुशी धरणात बुडून 17 वर्षीय बालकाचा मृत्यू…

लोणावळा : लोणावळ्याजवळील भुशी धरणात बुडून आज एका 17 वर्षीय मुलाचा मृत्यू झाल्याची घटना आज दिवाळी पाडवा व भाऊबिजेच्या दिवशी घडल्याने सर्वत्र हळहळ व्यक्त होत आहे.

रोहन जोगिंदर लाहोट ( वय 17 , रा . घाटकोपर , मुंबई ) असे या मृत मुलाचे नाव आहे . भुशी धरण परिसरात हा क्लासमधील मित्रांच्या सोबत फिरायला आला असताना दुपारी दोन वाजता धरणाच्या पाण्यात बुडून त्याचा मृत्यू झाला . या घटनेची माहिती समजताच सणासुदीच्या दिवशी देखील लोणावळ्यात शिवदुर्ग मित्र या रेस्कू पथकातील सदस्यांनी तात्काळ घटनास्थळी जात रेस्कू ऑपरेशन राबवत सदर मुलाचा मृतदेह पाण्यातून बाहेर काढला.

यावेळी सचिन गायकवाड , योगेश उंबरे , अशोक उंबरे , अमित भोसले , ओंकार पडवळ , सागर कुंभार , अमोल चिनुरे , राजेंद्र कडु , अजय मयेकर , अमोल परचंड , अमोल सुतार , सुनिल गायकवाड यांच्या पथकाने हे रेस्कू राबवत मृतदेह पाण्यातून बाहेर काढून पोलिसांच्या ताब्यात दिला.याप्रकरणी लोणावळा शहरचे पोलीस नाईक शिंदे पुढील तपास करत आहेत.