भात जाती जलद पैदास प्रकल्प मैलाचा दगड ठरणार – डॉ. पराग हळदणकर..
भिसेगाव – कर्जत ( सुभाष सोनावणे ) प्रादेशिक कृषी संशोधन केंद्र – कर्जत येथे ” मुख्यमंत्री कृषी संशोधन व निधी ” अंतर्गत मंजूर झालेला भात जातींची जलद पैदास व वाणांच्या चाचण्यांबाबत संशोधन संरचना उभारणी प्रकल्प शेती क्षेत्रात मैलाचा दगड ठरणार असे सुस्पष्ट प्रतिपादन डॉ.बाळासाहेब सावंत कोकण कृषी विद्यापीठाचे संशोधन तसेच विस्तार शिक्षण संचालक डॉ. पराग हळदणकर यांनी येथे केले. गतिमान पैदास प्रक्षेत्रावरील नियोजित स्थळी नारळ वाढवून सदर प्रकल्पाचे भूमिपूजन केल्यावर शुभेच्छापर मार्गदर्शन करताना ते बोलत होते. कर्जत प्रादेशिक कृषी संशोधन केंद्राचे सहयोगी संशोधन संचालक व भात विशेषज्ञ डॉ. भरत वाघमोडे , विविध विभागाचे शास्त्रज्ञ, अधिकारी व कर्मचारी यावेळी उपस्थित होते.
