मळवली जवळ रेल्वे लाईनवर आढळला 70 वर्षीय अज्ञात इसमाचा मृतदेह…

लोणावळा ( प्रतिनिधी ) : मळवली ते कामशेत रेल्वे स्टेशन दरम्यान डाऊन लाईन वर रेल्वे की मी 137 / 20 वर एका अज्ञात पुरुषाचा मृतदेह आढळून आला आहे . दि . 2/11/22 रोजी पहाटे 1:30 वाजण्याच्या पूर्वी कोणत्यातरी धावत्या रेल्वे गाडीतून पडून मृत्यू झाला असल्याची माहिती पोलीस हवालदार एस . ई . सावंत यांनी दिली .

मयत ही 70 वर्षीय अज्ञात वृद्ध पुरुष असून त्याचे वर्णन पुढील प्रमाणे आहे. – वय अंदाजे 70 वर्ष,अंगाने – सडपातळ , रंग – गोरा , नाक -सरळ,कान -मध्यम, कपाळ-मध्यम, मिशी -पांढरट, दाढी -बारीक पांढरट,डोक्याचे केस -पांढरट काळे,उंची -5 फूट, चेहरा -उभट, ओठ-लहान असा बांधा असून मयताच्या अंगावर पांढरे फुल बाह्याचे शर्ट त्यावर रेषा, चॉकलेटी रंगाची फुल पॅन्ट, आत पांढऱ्या रंगाचे बनियान, राखाडी अंडरविअर असा पहेनावा आहे.

तरी सदर मयताची काही माहिती व ओळख असल्यास लोणावळा दूरक्षेत्र पोलिसांशी संपर्क करून सहकार्य करण्याचे आवाहन करण्यात येत आहे.