लायन्स क्लब लोणावळा डायमंडकडून लोणावळ्यातील व्यापाऱ्यांना हजार कापडी पिशव्यांचे मोफत वाटप…

लोणावळा (प्रतिनिधी): लायन्स क्लब ऑफ डायमंड लोणावळा चा अभिनव उपक्रम राबवत लोणावळा भाजी मंडईतील व्यापाऱ्यांना 1हजार कापडी पिशवी चे मोफत वाटप करण्यात आले.

लायन्स क्लब डायमंड ने जरी व्यापाऱ्यांना मोफत पिशव्या वाटप केल्या असल्या तरी याचा ग्राहकांना फायदा होणार आहे. अध्यक्ष लायन अनंता गायकवाड यांनी दिलेल्या माहितीनुसार क्लब ने सर्व व्यापाऱ्यांना कापडी पिशव्यांचे मोफत वाटप केले. व्यापाऱ्यांनी ती एक पिशवी ग्राहकांना दहा रुपये किमतीने विकायची आहे. आणि त्याच ग्राहकाने पुन्हा ती पिशवी व्यापाऱ्याकडे दिल्यास व्यापारी ग्राहकाचे दहा रुपये परत दिले जाईल म्हणजे यामध्ये ग्राहकांचा फायदा होणार असून बाजारात प्लास्टिकचा वापर बऱ्याच प्रमाणात कमी होऊ शकेल.

यावेळी लायन्स क्लब डायमंडचे अध्यक्ष लायन अनंता गायकवाड, क्लबचे सचिव लायन अनंता पाडाळे,खजिनदार लायन तस्नीम थासरवाला , लायन राजेश अग्रवाल , लायन डॉ . संदीप डोबले , लायन दाऊद थासरावला , लायन वंदना अगरवाल , लायन अब्दुल कदीर , लायन हुसैन कॉन्ट्रक्टर , लायन उम्मी सलमा कॉन्ट्रक्टर , लायन हेमलता शर्मा , लायन गौरी गायकवाड आदी सभासद उपस्थित होते.