Sunday, April 21, 2024
Homeपुणेदेहूरोडदुचाकी वरून जाणाऱ्या महिलेला अडवून गळ्यातील मंगळसूत्र लंपास, देहूरोड येथील घटना..

दुचाकी वरून जाणाऱ्या महिलेला अडवून गळ्यातील मंगळसूत्र लंपास, देहूरोड येथील घटना..

देहूरोड (प्रतिनिधी): दुचाकीवरून जाणाऱ्या महिलेला रस्त्यात अडवून चोरट्याने गाडीखाली उतरवून रोडच्या कडेला खेचत नेले व तिच्या गळ्यातले मंगळसुत्र हिसकावले . हा धक्कादायक प्रकार शुक्रवार दि .2 रोजी सकाळी 9:15 वा. च्या सुमारास देहूरोड शेलारवाडी पुलावर घडला आहे.
याप्रकरणी 24 वर्षीय महिलेने देहुरोड पोलीस ठाण्यात फिर्याद दिली असून अज्ञात चोरट्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार , फिर्यादी या त्यांच्या दुचाकीवरून ऑफीसला जाण्यासाठी निघाल्या होत्या शेलारवाडी पुलाजवळ येताच चोरटा त्याची दुचाकी घेऊन फिर्यादीच्या गाडीच्या आडवा आला . फिर्यादी यांनी त्यांची दुचाकी थांबवली असता आरोपीने फिर्यादीला गाडीच्या खाली उतरवले. तसेच त्यांना रोडच्या कडेला खेचून नेत त्यांच्या गळ्यातील 60 हजार रुपयांचे सोन्याचे मंगळसूत्र जबरदस्ती हिसकावून घेत तो पसार झाला . याप्रकरणी देहुरोड पोलीस ठाण्यात गुन्हा दाखल झाला असून पोलीस पुढील तपास करत आहेत .
मात्र या घटनेने केवळ पायी चालणाऱ्या महिला नाही तर आता दुचाकीवरील महिला देखील टार्गेट होत असल्याचे समोर आले आहे . महिलांच्या गळ्यातील दागिने रस्त्यावरून पळवीण्याच्या ( चैन स्नॅचींग) चे प्रकार दिवसेंदिवस वाढत आहेत. चैन स्नॅचिंग करणारे आता अगदी खुले आम वावरत असून केवळ रात्रीच नाही तर दिवसा ढवळ्या देखील ते सोनसाखळी चोरत आहेत.
- Advertisment -

You cannot copy content of this page